МАН-ын 28-р их хурал үргэлжилж байна. Хурлаар намын даргын сунгаанд өрсөлдөх хүмүүсээ нэрийг нь дэвшүүлж байгаа юм. Намын дарга Ерөнхий сайд У.Хүрэлсүх, УИХ дахь МАН-ын бүлгийн дарга Д.Хаянхярваа нар өрсөлдөхөөр боллоо.

Тодруулбал, Архангай аймгаас сонгогдсон их хурлын төлөөлөгч намын даргад УИХ-ын гишүүн Ж.Мөнхбатын нэрийг дэвшүүлсэн ч тэрээр үгээ хэлсний дараа энэ өрсөлдөөнд оролцохгүй гэдгээ мэдэгджээ. Харин намын даргад нэр дэвшихээ сарын өмнө мэдэгдээд байсан Н.Дэмбэрэл нэрээ татсан юм.