Монгол Улсын 30 дахь Ерөнхий сайдыг УИХ-ын чуулганы өнөөдрийн хуралдаанаас батламжилна.

Чуулганы нэгдсэн хуралдааныг 10 цагаас хуралдуулахаар тов зарласан ч чуулганы өмнө УИХ дахь МАН-ын бүлэг хуралдаж, Ерөнхий сайдын томилгоо болон цаг үеийн асуудлаар дахин байр сууриа нэгтгэхээр болжээ.

Иймээс тус бүлэг одоо Төрийн ордонд хуралдаж байна. Уг нь МАН-ын бүлэг өнгөрсөн долоо хоногт хуралдаж, Ерөнхий сайдад нэр дэвшигч У.Хүрэлсүхийг 100 хувь дэмжихээр тогтсон билээ.