МАН-ын VIII Бага хурал Тусгаар тогтнолын ордонд 208 гишүүний бүрэлдэхүүнтэй эхэллээ. 

Бага хурлын хамгийн чухал асуудал бол 2017 оны Монгол Улсын Ерөнхийлөгчийн сонгуульд нэр дэвшигчийг тодруулах юм.

МАН-ын гишүүд М.Энхболд, Ц.Нямдорж, У.Хүрэлсүх, Б.Бат-Эрдэнэ, Ө.Энхтүвшин нарыг Ерөнхийлөгчид нэр дэвшүүлэхээр саналаа өгчээ.

Тус намын ТУЗ өчигдөр орой хуралдаж гишүүдийн саналыг хэлэлцсэн байна. Ингээд дээрх таван гишүүнээс өөрсдийн саналыг асуужээ. Үүнээс У.Хүрэлсүх, Б.Бат-Эрдэнэ, Ө.Энхтүвшин нар татгалзсан хариу өгчээ.

Ингэснээр  МАН-ын дарга М.Энхболд, УИХ-ын дэд дарга Ц.Нямдорж хоёр Ерөнхийлөгчийн сонгуульд нэр дэвшигчийг тодруулах Бага хуралд нэрээ дэвшүүлэхээр бүртгүүлсэн байна.

Гэрэл зургийг MPA.mn