Парламентад суудалтай улстөрийн намууд Сонгуулийн тухай хуулийн дагуу ирэх сарын 2-7-ны өдрүүдэд ерөнхийлөгчийн сонгуульд нэр дэвшигчээ тодруулж, 8-ны өдөр СЕХ-нд нэрийг нь өргөн барих учиртай. Энэ дагуу намууд дотооддоо нэр дэвшигчээ тодруулах асуудлаар зөвшилцөж буй юм. Өчигдөр АН-ын дарга С.Эрдэнэтэй ерөнхийлөгчийн нэр дэвишх хүсэлтэй гишүүд нь уулзсан бол МАН-ын Удирдах зөвлөл мөн хуралсдан юм.Хуралдаанаар ерөнхийлөгчийн сонгуульд нэр дэвшигчийн асуудлыг хэлэлцсэнээс гадна хандив цуглуулах ажлын хэсэг байгуулж, ахлагчаар нь УИХ дахь МАН-ын бүлгийн дарга Д.Хаянхярвааг сонгосон байна. Харин МАХН-ын хувьд удахгүй Бага чуулганы товыг зарлана гэсэн хүлээлттэй байгаа юм.