Долоо хоног бүрийн даваа гаригт УИХ дахь намын бүлгүүд хуралддаг. УИХ дахь МАН-ын бүлгийн хуралдаан Төрийн ордны “Б” танхимд эхлээд байна. Тус бүлэг Эрүүгийн хуульд нэмэлт, өөрчлөлт оруулах тухай, Эрүүгийн хуулийг дагаж мөрдөх журмын тухай хуульд нэмэлт, өөрчлөлт оруулах тухай хуулийн төслүүдийг хэлэлцэхээр төлөвлөжээ.

УИХ дахь Ардчилсан намын бүлгийн хурал мөн эхлээд байна. Цөөнхийн бүлэг Зөрчлийн тухай хуулийн төсөл болон холбогдох бусад төслүүд, Монгол Улсын Засаг захиргаа, нутаг дэвсгэрийн нэгж түүний удирдлагын тухай хуульд нэмэлт оруулах тухай хуулийн төслийг хэлэлцэх аж.