Ардчилсан намын ҮЗХ өчигдөр Чингис зочид буудалд хуралдаж дөнгөж сая түр завсарлага аваад байна. Хурлаар намын үндсэн дүрмийн төслийг хэлэлцсэн байсан намын дүрмийн шинэчлэлийн төслийг боловсруулах Ажлын хэсгийн ахлагчаар УИХ-ын гишүүн асан Ш.Түвдэндорж ажиллаж байгаа юм. Тэд хэд, хэдэн дүрмийн төслийг нэгтгэн боловсруулснаа ҮЗХ-ны гишүүдэд танилцуулж буй юм байна. Энэ удаагийн хурлаар төслөө танилцуулан гарсан санал шүүмжийг тусган маргааш болох намын Их хурлаар хэлэлцүүлэх аж.

Намын ҮЗХ-ны өмнөх хуралдаанд лидерүүдийн олонхи оролцоогүй. Харин маргаашийн их хуралд 1210 төлөөлөгч оролцох бөгөөд энэ удаагийн Их хурлаар намын үндсэн дүрэмд өөрчлөлт оруулж, батлах ажээ.