Хан-Уул дүүргийн Сонгуулийн хороог удаа дараалан хууль бус үйл ажиллагаа, улстөрийн бохир явуулга хийж байна хэмээн тус дүүргийн Ардчилсан намаас мэдээлэл хийлээ.

Тодруулбал, Хан-Уул дүүргийн Ардчилсан намаас нэр дэвшигчдийг 2016 оны есдүгээр сарын 05-нд бүртгэж авсныг Өдрийн сонины 2016 оны есдүгээр сарын 12-ны дугаарт олон нийтэд мэдээлсэн ажээ. Гэтэл энэ сарын 20-ны өдөр тус дүүргийн Сонгуулийн хорооноос тогтоол гаргаж 12 дугаар тойрогт  АН-аас нэр дэвшигч А.Гантулгыг тодорхойгүй шалтгаанаар орон нутгийн сонгуульд нэр дэвших эрхийг нь хасчээ.

Хассан шалтгааныг тодруулбал, Хан-Уул дүүргийн Сонгуулийн хороонд МАН-аас нэгэн бичиг ирсэн бичигт үндэслэн нэр дэвшигчийг хасах болсон гэсэн байна. Удаа дараа ийм байдал үүсч байгаа учраас Хан-Уул дүүргийн Ардчилсан нам Захиргааны хэргийн шүүхэд дахин хандах болсоноо мэдэгдлээ.