МАХН-ынхан “Шударга сонгуулийн төлөө” гэсэн уриатай жагсаалыг өнөөдөр 09.00 цагт Чингисийн талбайд хийхээ мэдэгдээд байсан. Гэвч одоогоор Чингисийн талбайд ямар нэг жагсаал цуглаан болоогүй байна.

МАХН-ын намын дарга Н.Энхбаяр, дэд дарга Э.Эрдэнэжамъян нарыг сонгуульд оролцуулахаас татгалзсан учир  УИХ-ын сонгуульд нэр дэвших намын гишүүд жагсаад зогсохгүй нойтон өлсгөлөн зарлахаа мэдэгдсэн.

Иймээс өлсгөлөнд оролцогчдыг эрүүл мэндийн үзлэгт оруулж, өлсгөлөнд бэлтгэхээр Сүхбаатар дүүр­гийн нэгдсэн эмнэлэгт хандаад байгаа гэнэ.

 МАХН-ынхан өлсгөлөнгөө УИХ-ын сонгуульд нэр дэвшигчдийн мандат олгох өдөр буюу зургаадугаар сарын 5 хүртэл үргэлжлүүлэх гэнэ.