Өнөөдөр СЕХ-ноос 11 нам, гурван эвсэл батламжаа гардаж авлаа. Хуулийн хугацаанд багтаж 13 нам, гурван эвсэл бүртгүүлсэн байна. Гэсэн ч СЕХ-ны зүгээс ХҮН болон ИЗНН-ыг бүртгэхээс татгалзжээ. Учир нь Сонгуулийн ерөнхий хороо Сонгуулийн тухай хуулийн 124.3.2. сонгуульд оролцох хүсэлтэд хавсарган ирүүлэх баримт бичиг дутуу, эсвэл хуурамч бол гэсэн заалтуудыг үндэслэн тус намуудыг бүртгэхээс татгалзжээ. Иргэний Зориг Ногоон Намыг сонгуульд оруулахгүй болсон гэх ийм  шийдвэр гаргасантай холбогдуулан 14:00 цагт ИЗНН-аас өөрийн байрандаа яаралтай хэвлэлийн бага хурал зарласан байна.