УИХ дахь нам эвслийн бүлэг өнөөдөр ээлжит хуралдаанаа хийж байгаа билээ. МАН-ын бүлэг яг одоо Төрийн ордоны Их жанжин Д.Сүхбаатарын танхимд хуралдаж байгаа бол АН-ын бүлгийн хуралдаан 14.00 цаг хүртэл хойшиллоо.

Бүлгийн хуралдаанаар Үндсэн хуулийн цэцийн шийдвэрийг хүлээж авах эсэх асуудлыг хэлэлцсэн талаар эх сурвалж дуулгалаа. Гэсэн ч энэ дүгнэлтийг хүлээж авах ёсгүй гэх яриа чамгүй олон гишүүдээс гарч маргаан үүсчээ.

Улмаар сонгуулийг хуучин хэвээр явуулах хүсэлтээ хүмүүсийн эсэргүүцэлтэй тулгарсан учраас бүлгийн хурлыг түр хойшлуулж ойлголцлоо нэгтгэхээр болсон байна. Бүлгийн хуралдааны завсраар АН-ын фракциудын хуралдаан дарга нарынхаа өрөөнд болж энэ асуудлаар албан ёсоор байр сууриа нэгтгэхээр болжээ.

Дашрамд дурьдахад, “Шударга ёс” эвслийн бүлэг энэ асуудлаар завсарлага аваад байгаа бөгөөд өнөөдөр тэд хариугаа эцэслэн өгөх учиртай. Жагсаалтын 28 Үндсэн хуулийн зарим зүйл заалттай зөрчилдөж байна гэсэн асуудлыг МАН-ын бүлэг хүлээж авахаа мэдэгдсэн билээ. Эх сурвалж: www.mminfo.mn