Сүүлийн гурван сарын турш дотоод маргаан зөрчил ихтэй байсан ХҮНамаас дангаараа УИХ-д нэрээ дэвшүүлэн оролцох боломжгүй болсон гэдгээ мэдэгдлээ. Тус намын нэр бүхий удирдах албан тушаалтнуудын эрх мэдэлд хэт улайрч, зөвхөн хувийн ашиг сонирхлыг дээгүүрт тавьж намын үйл хэргийг өнөөдрийг хүртэл гацаасан асуудал нь тус намын гишүүдийг төрийн эрх барих хэмжээнд төлөвшөөгүй гэж үзжээ. Түүнчлэн намын дээд хурал болох Төв хорооны мянга мянган гишүүдийн хууль ёсны, хүчин төгөлдөр саналаар намын даргаар сонгогдсон УИХ-ын гишүүн С. Ганбаатарыг болон дараа нь Т. Ганболд нарыг улсын дээд шүүхэд намын даргын бүртгэлд бүртгүүлэхгүй байх хуйвалдааныг удаа дараа зохион байгуулж байсан зэрэг асуудал нь тус намыг ийм нөхцөл байдалд хүргэжээ.