ИЗНН өчигдөр Үндэсний хороогоороо баталсан 2016 оны сонгуулийн мөрийн хөтөлбөртөө эцсийн найруулга хийж, аудитын байгууллагад хүргүүлэхэд бэлэн болжээ.

Монгол Улсын Сонгуулийн хууль болон Хөгжлийн бодлого төлөвлөлтийн хуулийн дагуу гаргах эдийн засгийн үндэслэл нь бэлэн болсон учир удирдлагууд нь гарын үсэг зураад өнөөдөр Сонгуулийн ерөнхий хороо болон Аудитын газар хүргэх аж.

Дээрх хоёр байгууллага тус намын мөрийн хөтөлбөрийг хуульд нийцсэн эсэхийг /улсын төсвөөс давсан сонгуулийн амлалт байна уу, Хөгжлийн бодлого төлөвлөлтийн хуульд нийцэж байна уу/ хянах юм байна. Энэ ажил дөрөвдүгээр сарын 29 хүртэл үргэлжлэх аж.