Говьсүмбэр аймгийн АН-ын удирдах ажилтны зөвлөгөөн болж байна. Зөвлөгөөнд  АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр, Говьсүмбэр аймгийн АН-ын дарга, Засаг дарга Л.Одсэр, Хөдөлмөрийн сайд Г.Баярсайхан, УИХ-ын гишүүн Х.Тэмүүжин, АН-ын Улс төрийн бодлогын газрын дарга Д.Анхбаяр нар болон тус аймгийн намын анхан шатны байгууллагын удирдлагууд оролцож байна. Удирдах ажилтны зөвлөгөөний үеэр УИХ-ын гишүүн Х.Тэмүүжин хуулийн салбарын шинэтгэлийн талаар илтгэл танилцуулж иргэдийн сонирхсон асуултад хариулт өглөө. Мөн УИХ-ын гишүүн, Хөдөлмөрийн сайд Г.Баярсайхан өөрийн салбарт хийгдсэн ажлуудын талаар мэдээлэл өгч гишүүдийн сонирхсон асуултад хариулт өгсөн юм. Харин "Ардчилсан засаглалын бүтээн байгуулалт" сэдэвт илтгэлийг  ЕНБД-ын үүрэг гүйцэтгэгч Л.Эрхэмбаяр танилцуулж, хуулийн мэргэжилтнүүд Сонгуулийн хуулийн талаарх мэдээлийг намын анхан шатны удирдах ажилтнуудад өглөө.