Хууль зүйн үндэсний хүрээлэнд өнөөдөр /2016.03.17/ “Фракцийн бус бодлогыг дэмждэг нам болъё” уриан дор хэлэлцүүлэг болж, Хууль зүйн сайд Д.Дорлигжав оролцон Ардчилсан намыг фракциас нь салгаж, бодлогын нам болгон өөрчлөх чиглэлд дүрэмд хэд хэдэн өөрчлөлт оруулах санаачлага гаргаснаа танилцууллаа.

Тухайлбал, Бодлогын зөвлөлийг намын дарга даргална, бодлогын салбар зөвлөлийн даргыг намын дарга томилох, Бодлогын зөвлөлийн дарга нар нь Засгийн газар байгуулах тохиолдолд тухайн салбар хариуцсан сайдаар томилогдоно, Цөөнх болсон тохиолдолд тухайн асуудлаар намын бодлогыг төлөөлөх албан ёсны субьект байна гэсэн өөрчлөлт оруулахаар төсөл боловсруулсан аж.

Хэлэлцүүлэгт Ардчилсан намын 40 гаруй гишүүн оролцож, Хууль зүйн сайд Д.Дорлигжавын санаачлагын талаар байр сууриа илэрхийлсэн юм.