МАХН-ын дарга, УИХ-ын гишүүн Д.Тэрбишдагва намынхаа дэд даргаас чөлөөлөгдөх хүсэлтээ  өгчээ. 

Тэрбээр одоогоор чухам ямар шалтгааны улмаас чөлөөлөгдөх хүсэлтээ өгсөн нь тодорхойгүй байна. Зарим хэвлэлээр түүнийг намын удирдлагуудтай тодорхой асуудлууд дээр санал нийлэхгүй зөрөлдөх болсон учраас өөрийн хүсэлтээр сонголтоо хийжээ гэх мэдээлэл цацагдаж байгаа юм. 

МАХН-ын дарга Н.Энхбаяр одоогоор БНСУ-д байгаа. Тиймээс дэд даргынхаа асуудлыг Монголд ирсэн даруйдаа шийдэх гэнэ. Харин Д.Тэрбишдагва гишүүний оронд МАХН-ын дэд даргаас чөлөөлсөн тохиолдолд хэнийг түүний оронд томилох нь ихээхэн анхаарал татаж байна. Эх сурвалжийн мэдээлж буйгаар МАХН дотор дэд даргаар хэнийг тавих вэ гэдэг асуудал яригдаад эхэлжээ.