Иргэний Зориг Ногоон нам их хурлаа өнгөрсөн долоо хоногт хийсэн. Тэд хурлаараа намынхаа дарга намыг сонгосон. Тус намыг 15 жилийн турш удирдаж байгаа С.Оюун улиран намын даргаар сонгогдсон бол С.Дэмбэрэл, Ц.Ганхуяг нар мөн даргаар томилогдоод байгаа юм. Их хурлынхаа дараа намын дүрэмдээ өөрчлөлт оруулснаа Дээд шүүхээр хэлэлцүүллээ. Улсын Дээд шүүх дүрмийн өөрчлөлтийг хянаад Үндсэн хууль болон Улс төрийн намын тухай хуулийг зөрчөөгүй гэж үзжээ. ИЗНН-ын Үндэсний хороо 210 гишүүнтэй. Дүрэмдээ өөрчлөлт оруулснаар 185 гишүүнтэй болж байгаа юм байна.