Өнөөдөр буюу 12-р сарын 18-ны 12:00 цагаас тусгаар тогтнолын ордоны 3 давхарт МАН хэвлэлийн бага хурал зарлалаа. Уг хурлаар МАН-ын улс төрийн томилгоо, улс төрийн нөхцөл байдал, бодлого шийдвэрийн талаар МАН-ын ерөнхий нарийн бичгийн дарга Ж. Мөнхбат , Намын стратеги, бодлого төлөвлөлтийн газрын дарга Д. Даваасүрэн нар сэтгүүлчдэд мэдээлэл хийх юм байна.

Өчигдөр МАН-ын удирдах зөвлөл МАН-ын дэд сайдуудыг батласан билээ.

Аж үйлдвэрийн дэд сайдад Х. Баделхан /УИХ дахь МАН-ын бүлгийн зөвлөх/

ГХЯ дэд сайдад Н. Оюундарь /Хятад улсад суух Монгол улсын худалдааны төлөөлөгчөөр ажиллаж байсан/

Эрүүл мэнд, спортын дэд сайдад Д. Атармаа /Нийслэлийн эрүүл мэндийн дэд дарга асан/

Уул уурхайн дэд сайдад Г. Тэмүүлэн /Оюутолгойн ТУЗ-ийн гишүүн/

Хүн амын хөгжил, нийгмийн хамгааллын дэд сайдад Б. Мөнхбаатар /Нийслэлийн засаг даргын орлогч асан, БЗД –ийн засаг дарга асан/

БСШУ –ны дэд сайдад Я. Төмөрбаатар /Стратеги академийн дарга/

Хүнс хөдөө аж ахуйн дэд сайдад Б. Батзориг /БЗД –ийн засаг дарга асан /

Дээрх сайдууд нь өөрсдийн томилогдсон салбар бүртээ туршлага хуримтлуулсан , бодлого тодорхойлцож явсан удирдах албан тушаалтнууд юм.