Монгол Улсын Засгийн газрын тухай хуульд өөрчлөлт оруулах тухай Ерөнхийлөгчийн өргөн барьсан хуулийн төслийг УИХ-ын хаврын чуулганаар хэлэлцэхтэй холбогдуулан өчигдөр Чингисийн талбайд жагссан МАН-ын гишүүд дэмжигчдийн цуглаанаас давхар дээлтэй гишүүдийн дээлийг нэн яаралтай тайлуулахыг УИХ-аас шаардсан шаардлага хүргүүллээ.

Давхар дээлтэй гишүүдийг санал хураалтад оруулсан, тус хуулийн хэрэгжиж эхлэх хугацааг 2016 он хүртэл сунгасан тохиолдолд Засгийн газрыг огцруулах, УИХ-ыг тараах хүртэлх ээлж дараалсан арга хэмжээг авч шийдвэртэй тэмцэнэ гэдгээ тэд мэдэгдлээ.