Төрийн ордны "А" танхимд дөнгөж сая Ардчилсан намын бүлэг хуралдаж дууслаа. Тэд ирэх оны төсвийн тухай хуульд тодотгол хийх талаар болон тулгамдаад буй цаг үеийн асуудлаар хуралдсан байна. Харин бүлгийн хурлын дараа АН-ынхан сэтгүүлчдэд ямар нэгэн мэдээлэл хийсэнгүй. Мөн тус хуралдаанаар бүлгийн шинэ даргын асуудлыг хэлэлцсэн гэх мэдээлэл байгаа юм. Энэ талаар Д.Эрдэнэбатаас тодруулахад "Тус хуралдаанаар бүлгийн даргын асуудлыг хэлэлцээгүй. Эхний асуудлууд шийдэгдсэний дараа ярилцана" гэсэн хариултыг өглөө.