Ерөнхий сайд Ч.Сайханбилэг Засгийн газарт хамтран ажиллах хүсэлтийг УИХ дахь нам, эвслийн бүлэгт хүргүүлээд байгаа. Үүнтэй холбоотойгоор өнөөдөр 12.00 цагт УИХ дахь Ардчилсан намын бүлэг, УИХ дахь МАН-ын бүлгээс байгуулагдсан ажлын хэсгийнхэн Төрийн ордонд анхны зөвшилцөх уулзалтаа хийхээр болжээ. Уулзалтын дараа хэвлэлийнхэнд мэдээлэл хийх юм байна.

УИХ дахь Ардчилсан намын бүлэг өчигдөр УИХ-ын гишүүн М.Батчимэгээр ахлуулсан ажлын хэсэг байгуулснаа мэдэгдсэн бол УИХ дахь МАН-ын бүлэг өнгөрсөн даваа гаригт УИХ-ын гишүүн Су.Батболд тэргүүтэй ажлын хэсгийг байгуулсан юм.