Төрийн ордонд хуралдаж буй МАН-ын Удирдах зөвлөл хуралдан Ерөнхий сайдад нэр дэвшиж буй Ч.Сайханбилэгийн асуудлыг хэлэлцэж санал хураав. УИХ дахь МАН-ын бүлэг тодорхой шийдэл гаргаагүй ч Удирдах зөвлөлийн хурал дээр Ч.Сайханбилэгийг Ерөнхий сайдад дэмжихийн эерэг, сөрөг талыг удтал хэлэлцсэний эцэст дээрх шийдвэрийг гаргажээ. Ингэхдээ санал хураалтаар дийлэнх гишүүд Ч.Сайханбилэгийг Ерөнхий сайдад дэмжих шалтгаан үгүй гэж үзсэн байна. Гэвч УИХ дахь МАН-ын бүлгийн гишүүдийг итгэл үнэмшлээрээ саналаа өгөх эрхээ бүрэн эдлэх эрхтэй, тэднийг ямар санал өгснийх нь төлөө хөөж “шийтгэх” урхи занга тавиагүй тул хэрхэхийг УИХ-ын чуулганы нэгдсэн хуралдаанаар шийдэх учиртай.