МАН-ын бүлэг өчигдөр хуралдаж, 2015 оны төсвийг хэлэлцсэн байна. Гэхдээ мэдээлэл хийсэнгүй. Төсвийн төсөл дээр бүлгээс гаргасан ажлын хэсгийнхний судалгааг дахин лавшруулах шаардлагатай гэсэн учраас өнөөдөр хурлаа үргэлжлүүлэх аж. Үүний дараа мэдээлэл хийх гэнэ. Харин АН-ын бүлгийн хувьд өчигдөр үдээс өмнө ирц нь хүрээгүй учраас хуралдаагүй. Учир нь тус намынхан ерөнхий сайдын асуудлаар фракц бүлгээрээ энэ тэнд хуралдсан бололтой. Фракц бүр асуудалд байр сууриа нэгтгэсэн сурагтай.

Эх сурвалжуудын мэдээллээр  МоАХ, Шонхор, МҮДН фракц нэгдэж УИХ-ын гишүүн Р.Амаржаргалыг, Алтангадас, нэг ардчиллынхан Ч.Сайханбилэгийг Ерөнхий сайдад зүтгүүлэхээр болсон гэнэ. Энэ асуудлыг АН-ын бүлэг өнөөдрийн хуралдаанаараа хэлэлцэх бололтой.