УИХ-ын дарга З.Энхболд  УИХ-ын чуулганы нэгдсэн хуралдааны цагийг өөрчлөх тухай захирамж гаргажээ. Улсын Их Хурлын тухай хуулийн 11 дүгээр зүйлийн 11.2 дахь хэсэг, Монгол Улсын Их Хурлын чуулганы хуралдааны дэгийн тухай хуулийн 4 дүгээр зүйлийн 4.1 дэх хэсгийг үндэслэн Улсын Их Хурлын 2014

оны хаврын ээлжит чуулганы нэгдсэн хуралдааныг долоо хоногийн Пүрэв, Баасан гарагт өглөө 09.00 цагаас эхэлж, үдээс хойш 14.00 цагаас үргэлжлүүлж байхаар уг захирамжид заасан байна. Мөн энэ захирамжид заасан цагийн хуваарьт нийцүүлэн ажлаа зохион байгуулахыг Байнгын хороодын дарга, гишүүд болон Улсын Их Хурлын Тамгын газрын Ерөнхий нарийн бичгийн дарга Б.Болдбаатар нарт үүрэг болгосон байна.