УИХ-ын чуулганы нэгдсэн хуралдаан эхлээд байна.

Чуулганы нэгдсэн хуралдаанаар Сургуулийн орчны эрүүл мэнд, аюулгүй байдлын тухай хуулийн төсөл/хэлэлцэх эсэх/-ийг хэлэлцэж эхлээд байна. Энэхүү хуулийн төслийг УИХ-ын гишүүн Т.Мөнхсайхан нарын гишүүд санаачлан боловсруулсан юм. 

УИХ-ын гишүүн Т.Мөнхсайхан "Стандарт шаардлага хангахгүй орчинтой сургууль 50-аас дээш хувьтай байна. Хүүхэд сурч боловсрох гэж очдог сургууль дээрээ очоод амь насаа алддаг асуудал цөөнгүй гарлаа. Энэ нь хэвийн мэт бодож бид тоохгүй өнгөрөөдөг болтлоо нөхцөл байдал  хүндэрсэн байна.Үүнд хариуцлагажуулах тогтолцоог бий болгох хэрэгтэй байна.

Бид аливаа асуудал үүссэнийх нь дараа биш үүсэхээс нь өмнө хэрхэн яаж сэргийлэх талаарх зүйл заалтууд хуулийн төсөлд орсон" гэв.