УИХ-ын гишүүн асан П.Анужин Э.Болормаа гишүүнд "Баримжаатай ярихыг" сануулав.

Тэрбээр, энэ талаар өөрийн цахим хуудаснаа " Баримжаатай ярих чухал шүү!

Монголчуудад нийтлэг байдаг нэг алдаа бол өөрийгөө магтах гэж үргэлж өнөөхийг жишээ авч муулж байдаг “ төлавшөөгүй зан”.

Тухайн үе бүхэн хүнээ төрүүлдэг юм! Өмнө нь байгаагүй гарамгай улс гэнэт гараад ирсэн мэт ярьж болохгүй л дээ! Монгол төрийн үе үеийн зүтгэлтнүүд тулж түшиж байж л өнөөдрийн та нарын гарт төрийн өндөр эрх мэдэл, эрх чөлөө очсоныг үгүйсгэмгүй. Жишээлбэл, бүсгүйчүүд та нарыг 30 хэдүүлээ болгох бодит алхамыг муулаад байгаа өмнөхүүд чинь хийсэн, тойрог төсөвт хүлэгдэхгүй хүссэнээ ярьж болдог жагсаалтыг чинь мөн л өмнөхчүүд чинь хийсэн билээ. Өмнөхөө үгүйсгэн зууралдах биш сайжруулаад явах нь эрүүл хандлага шүү!

Эрхэм гишүүн, өмнөх 76-ын ирцийг хараарай, бид илүү, бид өмнөхүүдийн ярьж чаддаггүйг шударга шулуун ярьдаг болохоор л гэнэ… Сүүлчийн 76-ынх нь ирц, хоцролт муу байгаагүй, харин ч сайн байсан юм шүү! Аливаа парламент бүхэнд алдаа оноо бий, төгсчүүд биш учир. Монголын заяа их гэдэгчлэн шударга шулуун хүмүүс аль ч төрд байдаг л юм. Өмнөх гишүүд хий эргэж орлилдохоосоо илүү салбаруудын маш олон суурь хуулиудыг хийсэн байдаг юм! Харин тэдгээр хуулиудыг мэдэж байгаа, хэрэгжилтийг нь шахаж байгаа гишүүн байна уу даа?!! Хууль ярьж яваа хүн цөөн л харагдах юм даа." гэжээ.