Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид парламентад иргэдийг хэн хэн төлөөлж байгаа, тэдний ХОМ-ийг хүргэж байгаа билээ.

Тэгвэл энэ удаа  парламентад туршлага нимгэнд тооцогддог УИХ-ын Ө.Шижирийн 2024 онд АТГ-т шинэчлэн мэдүүлсэн ХОМ-ийг хүргэж байна. 

Түүний эхнэр Монголбанканд ажилладаг ч гэсэн ХОМ дээрээ "ОРЛОГОГҮЙ" гэж худлаа мэдүүлсэн нь олны анхаарлыг татаж байна.

Тэрбээр мэдүүлэгтээ:

Өөрийн орлого: ₮98 сая
Гэр бүлийн орлого:  ₮0 сая
Хөрөнгө борлуулсны орлого: ₮659 сая
Орон сууц барилга байгууламж: ₮2,8 тэрбум /Орон сууц-1, Зуслангийн байшин-1/
Тээврийн хэрэгсэл: ₮300 сая / Жийп болон туулах чадвар өндөр Lexus 570- 1/
Мал аж ахуй: ₮50 сая /Адуу-5/
Газар: ₮191 сая /Эзэмших-400м2-1, Эзэмших-700м2-1 нийт 2 газартай/
Үнэт эдлэл, урлаг, түүхийн үнэт зүйл: ₮7 сая
Хадгаламж: ₮4 сая
Авлага: ₮0 сая
Зээл:  ₮0 сая гэж мэдүүлжээ.

УИХ-ын гишүүн Ө.Шижир нь хөрөнгө орлогын мэдүүлэгтээ Баялагын хувь ХК 10000ш, Фүүдкорп ХХК, Эм Ди Си Ресорс ХХК 100%, Эм Ди Си рэйл эстате ХХК 100% эзэмшдэг гэж мэдүүлсэн.

Баялагын хувь ХК, Фүүдкорп ХХК, Эм Ди Си Ресорс ХХК, Эм Ди Си рэйл эстате ХХК-ны үйл ажиллагааны чиглэлийг хуулийн этгээдийн улсын бүртгэлийн мэдээллээс шүүж үзэхэд үйл ажиллагааны нэг чиглэл нь "Гадаад худалдаа, Төлбөр эсвэл гэрээний үндсэн дээр хийгдэх бөөний худалдаа, Худалдааны зуучлал" байна.