УИХ-ын гишүүн Т.Мөнхсайхан сургуулийн орчинд хүүхэд бүр эрүүл, аюулгүй, хамгаалагдсан орчинд сурч хөгжих эрхийг хангах зорилгоор “Сургуулийн орчны эрүүл мэнд, аюулгүй байдлын тухай” анхдагч хуулийн төслийг УИХ-д өргөн барьсан.

Энэхүү хуулийн төсөл нь:

• Эрүүл мэндийг дэмжигч сургуулийн тогтолцоо бүрдүүлэх
• өвчлөл, осол гэмтлээс урьдчилан сэргийлэх
• сургуулийн орчны аюулгүй байдлыг стандартын түвшинд хангах эрх зүйн үндсийг бий болгоход чиглэсэн.

Хуулийн төсөлтэй дараах холбоосоор орж танилцана уу.

Сургуулийн орчны эрүүл мэнд, аюулгүй байдлын тухай

СУРГУУЛИЙН ОРЧНЫ ЭРҮҮЛ МЭНД, АЮУЛГҮЙ БАЙДЛЫН ТУХАЙ ХУУЛИЙН ХОЁРДУГААР БҮЛЭГ танилцуулж байна.

СУРАЛЦАГЧИЙН ЭРҮҮЛ МЭНД, АЮУЛГҮЙ БАЙДАЛ

Сургууль нь суралцагчийн эрүүл мэнд, сэтгэл зүй, аюулгүй байдлыг хамгаалах зорилгоор дараах арга хэмжээг хэрэгжүүлнэ.

• Эрүүл мэндийн үзлэг, урьдчилан сэргийлэлт
• Хувийн болон эмзэг мэдээллийн нууцлал
• Халдварт өвчнөөс урьдчилан сэргийлэх
• Сэтгэл зүйн зөвлөгөө, дэмжлэг
• Эрүүл мэндийн боловсрол, зөв дадал
• Дархлаажуулалтын хяналт