Өнөөдрийн УИХ-ын чуулганы хуралдаанаар Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслийг хэлэлцэж буй. 

УИХ-ын гишүүн О.Алтангэрэл "Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл энэ хуулийг нэлээн хариуцлагатай байж батлахгүй бол одоо шүүх дээр хянагдаж байгаа хэргүүд, тухайлбал онц ноцтой хүнд гэмт хэрэг, авлига албан тушаалтны гэмт хэрэг, хүн амины хэрэгт холбогдсон, одоо шүүгдэж байгаа сэжигтнүүд суллагдах, шүүх хэрэглэх хуульгүй болох аюул нүүрлээд байна" гэв.