Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид парламентад иргэдийг хэн хэн төлөөлж байгаа, тэдний ХОМ-ийг хүргэж байгаа билээ.

Тэгвэл энэ удаа УИХ-д тав дахь удаагаа сонгогдсон Н.Алтанхуягийн  2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮160 сая
Гэр бүлийн орлого:₮94 сая
Хөрөнгө борлуулсны орлого: ₮0 сая
Орон сууц барилга байгууламж: ₮635 сая  /Орон сууц-2, Амины орон сууц-1/
Тээврийн хэрэгсэл: ₮196 сая / Lexus, RX 350 маркийн тээврийн хэрэгсэлтэй /
Мал аж ахуй:  ₮0 сая
Газар: ₮1 сая /Эзэмших-1га/
Үнэт эдлэл, урлаг, түүхийн үнэт зүйл: ₮0 сая
Хадгаламж: ₮7,5 сая 
Авлага: ₮0 сая
Зээл:  ₮0сая гэж мэдүүлжээ.

Норовын Алтанхуяг нь Ардчилсан нам дахь “Алтан гадас” фракцыг тэргүүлж байхдаа Монгол Улсын 27 дахь Ерөнхий сайд болж, шинэчлэлийн Засгийн газрыг удирдсан. Улс төрийн хүрээнийхэн дундаа хорчин гэж хэлэгдэж явсан удаатай. Өөрөөр хэлбэл, өнгөрсөн 30 жил Н.Алтанхуяг улс төрд “хор”-оо хийж, өндийхдөө өндийж, унахдаа унаж ирсэн. 

УИХ-ын 2012 оны сонгуульд Ардчилсан нам 34, МАН 26, МАХН-МҮАН-ын Шударга ёс эвсэл 11, ИЗНН хоёр, бие даагч гурван нэр дэвшигч ялалт байгуулснаар шинэ парламент бүрдсэн түүхтэй. Гэвч энэ сонгуульд Ардчилсан нам Засгийн газраа дангаар байгуулах хэмжээнд суудал авч чадаагүй тул эвсэхээс өөр арга байсангүй түүхтэй. 

Улсын Ерөнхий сайд болтлоо намынхаа том тоглогчдийн нэг болтлоо дээшилж тасралтгүй өссөн карьер нэг л өдөр дууссан түүхтэй. Ерөнхий сайдын суудлаас бууснаас хойш 2014-2017 он хүртэл нам гүм амьдарсан. 2017 оноос Еоөнхийлөгчийн зөвлөхөөр улстөрд дахин орж ирсэн байдаг. Улмаар 2020 оны УИХ-ын сонгуульд “Эрдэнэт”-ийн тойргоос Ц.Нямдоржийг ялж гарч ирсэн.

МАНАН-гийн Засгийн газар байгуулагдах анхны суурийг тавьсан байтлаа одоо МАНАН-тай тэмцэнэ гэж шударга царайлах нь утгагүй” гэж шүүмжлэх нь бий. Эвслийн Засгийн газарт тэрбээр Сангийн сайдын алба хашсан.

Тодруулбал, УИХ-ын 2008 оны сонгуулийн дүнг эсэргүүцсэн үймээний дараа Ерөнхий сайд асан С.Баяр хамтарсан Засгийн газар байгуулах шийдвэр гаргаж, Ардчилсан намд урилга өгөхөд хүлээж авсан хүн нь Н.Алтанхуяг байсан.

Тэрбээр удаан улстөрийн замналдаа хэд хэдэн асуудалд нэр холбогдсон нэгэн.  

• Анх “Ардчиллын ордон” баригдах зураг төсөл гарсан ч сураг тасарсан. Энэхүү шинэ байр барих санаачлагыг Н.Алтанхуяг гаргаж байсан учраас Д.Сүхбаатарын талбайн зүүн талд байрлах, Соёлын Төв өргөөний хүзүүвчин дэх байрыг намынхан нь Н.Алтанхуягийг зарсан гэдэг.
• Засгийн газрыг төрлийн алба болгосноороо бас бурууддаг. Н.Алтанхуяг Ерөнхий сайд болж, Тавантолгойн орд газарт өөрийн хүмүүсээ шахсан гэх мэдээлэл. Тэрбээр хүргэн Г.Дэнзэнгээ ЗГХЭГ-ын дэд дарга болгож, улмаар “Эрдэнэс-Тавантолгой” ХK-ийн ТУЗ-ийн дарга болгосон явдал байв. 
• Чингис бондын зарцуулалттай холбоотойгоор Ерөнхий сайд асан Н.Алтанхуягийг АТГ-аас шалгаж, улмаар шүүхээр хэргийг нь хэлэлцэхэд “Засгийн газрын тогтоолоор гүйцэтгэсэн ажилд буруутгаж шүүж байв. Хонгилын шүүгч нартай үзэлцэнэ” гэж байр суурь илэрхийлсээр анхан шатны болон давж заалдах шүүх хэргийг нь хэрэгсэхгүй болгосон.