УИХ-ын гишүүн О.Номинчимэг хүн нас барсан мэдээ дуулангуутаа үхсэн хүний үгээр тамхины хуулиа сурталчилсан нь олны дургүйцлийг хүргэлээ. Ингэснээр удалгүй гишүүн постоо өөрчлөн засвар оруулжээ.

Тодруулбал, өөрийн цахим хуудастаа, "Саяхан ордонд тааралдаад Тамхины хуулиа заавал батлуулаарай,чухал хууль шүү гээд мэндлээд зөрсөн юмсан" гэж эмгэнэл илэрхийлжээ.

Эмгэнэл илэрхийлж байгаа нь зөв ч хүний зураг бүхий эмгэнэл дээр өөрийн ажлаа сурталчилсан нь гишүүн хүний хувьд байж болохгүй болчимгүй үйлдэл болов.