Уламжлал ёсоор даваа гарагт УИХ дахь намын бүлгүүд хуралдана. Мөн Үл хөдлөх хөрөнгө борлуулахад төлдөг хоёр хувийн татварыг хүчингүй болгох асуудлаар гаргасан нийтийн өргөдлийн дагуу хөрөнгө борлуулсан, шилжүүлсний орлогод ногдуулах албан татварын асуудлыг судалж, санал, дүгнэлт боловсруулах үүрэг бүхий ажлын хэсгийн хуралдааныг товложээ.

Мөн энэ долоо хоногт УИХ-ын Байнгын хороод болон чуулганы нэгдсэн хуралдаанаар Монгол Улсын 2026 оны төсөв болон дагалдах хуулиудын хоёр дахь хэлэлцүүлэг үргэлжилнэ. Пүрэв гарагт Хүнсний тухай хуульд нэмэлт өөрчлөлт оруулах хуулийн төслийг хэлэлцэх болох Засгийн газрын гишүүнийг огцруулах, томилох асуудлыг баасан гарагт УИХ-ын чуулганы нэгдсэн хуралдаанд танилцуулахаар болжээ.