УИХ-ын дарга Д.Амарбаясгалан сэтгүүлчдийн асуултад хариулж байна. Тэрээр МАН-ын даргад нэр дэвшсэн юм. Уулзалтад очсон сэтгүүлч бүрд дугаар олгож, тэр дугаарын дагуу асуулт асууж байна.  

Д.Амарбаясгалан "МАН-ын хагарал Я.Содбаатар, Б.Батцэцэг, Ж.Энхбаяр, Б.Энхбаяр нар хов зөөснөөс болсон. Намайг МАН-ын ЕНБД-аар ажиллаж байх хугацаанд хагараагүй. Төрийн өндөрлөгийн түвшинд ч хагарал бий болсон. Энэ бол ховч хүмүүсийн хийж байгаа ажил.

Би хүнээрээ байж найзласан найздаа ядаж муу хэлүүлэхгүй амьдрахсан гэж боддог. Тэр ч утгаар би Бага хурал дээр Л.Оюун-Эрдэнэтэй өнөөдөр ч маргааш ч хамт гэж хэлсэн. Улс төрийн хувьд бидэнд санал зөрдөг зүйл бий.

Б.Энхбаярыг төөрөөд явж байхад би намд авч ирж, нэр дэвшүүлсэн. Тэр хүний 20 нүүрийг удахгүй харах болно.

Ерөнхийлөгчтэй хэвийн харилцаатай. Намын зодоонд оролцохгүй гэдгээ хэлсэн." гэлээ.