Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид парламентад иргэдийг хэн хэн төлөөлж байгаа, тэдний ХОМ-ийг хүргэж байгаа билээ.

Тэгвэл энэ удаа  МҮЭХ-ны ерөнхийлөгчийн ажлаа давхар гүйцэтгэж сахилгын хариуцлага хүлээсэн УИХ-ын гишүүн С.Эрдэнэбатын 2024 онд АТГ-т шинэчлэн мэдүүлсэн ХОМ-ийг хүргэж байна.

Тодруулбал, УИХ-ын гишүүн С.Эрдэнэбат өнгөрсөн жил МҮЭХ-ны ерөнхийлөгчийн ажлаа өгөөлгүй давхар хийсэн нь олны шүүмжлэлийг дагуулсан.  Өөрөөр хэлбэл, УИХ-ын гишүүн С.Эрдэнэбатыг хууль зөрчсөнийг батлагдаж, түүнд сахилгын хариуцлага тооцоод байсан.

Тэрээр түүний орлого гишүүн болсноор 28 сая төгрөгөөс 75 сая төгрөг болж өссөн гэж мэдүүлжээ.

Тэрбээр мэдүүлэгтээ:

Өөрийн орлого: ₮75 сая
Гэр бүлийн орлого: ₮22 сая
Хөрөнгө борлуулсны орлого: ₮0 сая
Орон сууц барилга байгууламж: ₮380 сая /Орон сууц-1, Зуслангийн байшин-1/
Тээврийн хэрэгсэл: ₮36 сая  / Суудлын жижиг машин,Mitsubishi, Outlander- 1 маркийн  тээврийн хэрэгсэлтэй/
Мал аж ахуй: ₮22 сая  /Хурдан удмын адуу-4, Адуу-12, Үхэр-8, Хонь-15/
Газар: ₮40сая /ЭЭзэмших-699м2-1, Өмчлөх-651м2-1/
Үнэт эдлэл, урлаг, түүхийн үнэт зүйл: ₮33 сая
Хадгаламж: ₮92 сая  Бэлэн мөнгө: ₮45 сая
Авлага: ₮48 сая
Зээл:  ₮30 сая гэж мэдүүлжээ.