Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байгаа билээ.

Тэгвэл энэ удаа бид ХЗДХ-ийн сайд асан, УИХ-ын гишүүн О.Алтангэрэлийн  2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮393 сая 
Гэр бүлийн орлого: ₮68 сая
Хөрөнгө борлуулсны орлого: ₮530 сая
Орон сууц барилга байгууламж: ₮2,4 тэрбум  /Орон сууц-2, Авто зогсоол-1/
Тээврийн хэрэгсэл: ₮620 сая  /Ford, F-150, Зил 131, Toyota, Land Cruiser 200 , Mercedes Benz G 55 AMG   маркийн нийт 4 тээврийн хэрэгсэлтэй/
Мал аж ахуй: ₮8 сая /Адуу-4/
Газар:₮20 сая /Эзэмших-700м2 хоёр газартай/
Үнэт эдлэл, урлаг, түүхийн үнэт зүйл: ₮95 сая
Хадгаламж: ₮44 сая,    Бэлэн мөнгө: ₮180 сая
Авлага: ₮193 сая
Зээл:  ₮58 сая гэж мэдүүлжээ.

Ташрамд дурдахад, саяхан болж өнгөрсөн АН-ын даргын сунгааны үеэр УИХ-ын гишүүн О.Алтангэрэл ХҮН намын гишүүн байсныг гэрчлэх гэрэл зураг сошиалыг шуугиулж байв. Түүнийг ХҮН намаас Ардчилсан намд байршсан “БЭТ”-үү гэх зэргээр  намынхан гишүүд нь шүүмжилж, зайлуулах ёстой гэх шахалт шаардлага ч тавьж ирсэн удаатай. 

О.Алтангэрэлийн хувьд 2024 оны УИХ-ын сонгуульд Ардчилсан намаас хангайн бүсэд өрсөлдөн ялалт байгуулснаар УИХ-ын гишүүн болсон. Ардчилсан нам Засгийн газарт хамтарснаар Хууль зүйн сайд болж, давхар алба хашиж байв.