Парламентад иргэдийг хэн хэн төлөөлж байгааг бид цувралаар танилцуулж байгаа билээ. Тэгвэл төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байна.

Тэгвэл энэ удаа УИХ-ын гишүүн, ИЗНН-аас нэр дэвшиж жагсаалтаар орж ирсэн С.Замирагийн  2024 онд АТГ-т шинэчлэн мэдүүлсэн ХОМ-ийг хүргэж байна.

С.Замира гишүүн өмнө нь бизнес эрхэлж, ганзгын наймаанд ч явж байсан нэгэн гэх. Тэр хүний ямар ажил төрөл хийж явсан нь хэнд ч хамаагүй хэрэг. Гагцхүү маш олон хүнээс зээл авч, өр тавьж явсан нь илэрч, өр шир нэхсэн олонд ээрэгдэх болсон шүүмжлэлд дагуулсан. Тухайлбал, саяхан гэхэд олон нийтийн сүлжээнд тэдний нэг гэх Battulga Magsarjav гэх хүн “УИХ-ын гишүүн Сонгобайн Замира өрөө барагдуулна уу!” хэмээсэн “Зар” тавьж байсан удаатай.

Тэрбээр мэдүүлэгтээ:

Өөрийн орлого: ₮55 сая
Гэр бүлийн орлого: ₮51 сая
Хөрөнгө борлуулсны орлого: ₮0 сая
Орон сууц барилга байгууламж: ₮330 сая  /Зуслангийн байшин-1, Хашаа байшин-1/
Тээврийн хэрэгсэл: ₮248 сая  / Hummer, H2, Toyota, RAV 4,  Ford, Excursion,  Toyota Prius XW50  маркийн нийт 4 тээврийн хэрэгсэлтэй/
Мал аж ахуй: ₮0 сая 
Газар: ₮180 сая /Эзэмших-2га-1, Эзэмших-2640м2-1, Эзэмших-700м2-2, Өмчлөх-515м2-1 нийт 5 газартай/
Үнэт эдлэл, урлаг, түүхийн үнэт зүйл: ₮68 сая
Хадгаламж: ₮700 мянга 
Авлага: ₮1,4 сая 
Зээл:  ₮45 сая гэж мэдүүлжээ.