Парламентад иргэдийг хэн хэн төлөөлж байгааг бид цувралаар танилцуулж байгаа билээ. Тэгвэл төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байна.

Ардчилсан намаас жагсаалтаар гишүүн болсон хүн бол  “Тэнгри групп”, "Өд цаас", “Тоди” живхний эзэн  Г.Очирбатын  2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮3 тэрбум 
Гэр бүлийн орлого: ₮900 сая
Хөрөнгө борлуулсны орлого: ₮0 сая
Орон сууц барилга байгууламж: ₮2,7 тэрбум  /Орон сууц-1, Үйлдвэрлэлийн зориулалттай барилга-3/
Тээврийн хэрэгсэл: ₮1 тэрбум  

• Toyota, Land Cruiser 70
• Lexus, 570
• Toyota, Prius
• Mercedes Benz, G 500
• Lexus, RX 450
• Mercedes Benz, ML350
• Микроавтобус, Hyundai, Starex  маркийн нийт 7 тээврийн хэрэгсэлтэй/

Мал аж ахуй: ₮20 сая /Адуу-1/
Газар: ₮3 тэрбум /Эзэмших-6252м2-1/
Үнэт эдлэл, урлаг, түүхийн үнэт зүйл: ₮700 сая
Хадгаламж: ₮7,4 тэрбум 
Авлага: ₮0 сая 
Зээл:  ₮5,1 тэрбум гэж мэдүүлжээ.

Дөрвөн жил хаа ч байсан юм гэж байтал нэг зун нь өнгөрчихлөө. Тиймээс жагсаалтаар орж ирсэн гишүүд  Төрийн ордонд “төөрч” явах танилцах дадлага нь одоо дууссан бол хэдэн цүнх тараахаас илүү иргэдийн амьдралд бодиттой үр дүн авчрах хууль, ажил санаачлан хиймээр байна даа.