Удирдсан холбоогоо хоослоод, УИХ-д тухалсан А.Ганбаатар гишүүн жилийн ₮409 саяын ОРЛОГОТОЙ, ₮3,1 тэрбумын үнэлгээтэй 2 ОРОН СУУЦТАЙ

2025 оны 8 сарын 28

Arslan.mn

Парламентад иргэдийг хэн хэн төлөөлж байгааг бид цувралаар танилцуулж байгаа билээ. Тэгвэл төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байна.

Сэтгүүлчээсээ илүү Монголын хөл бөмбөгийн холбоог удирдаж явсан гэдгээрээ олон нийтэд зүс танигдаж, АН-ын жагсаалтын 15-д бичигдэн, УИХ-д тухалсан гишүүн бол  А.Ганбаатар.  Тэрээр  "хөл бөмбөгийн зүтгэлтэн болсон” хэмээн ярьдаг ч  Монголын хөл бөмбөгийн холбоог улс төрийн ашиг сонирхол, өнөөгийн албан тушаалынх нь гишгүүр болгосон байж магад. Тэрбээр Ерөнхийлөгч асан Ц.Элбэгдоржийн  зөвлөхөөр 8 жил  ажилласан төдийгүй АН-ын дарга Л.Гантөмөрийн дотнын найз гэгддэг. АН-ын даргын ивээлд багтсаныхаа хэргийг гаргаж, 2024 оны УИХ-ын сонгуульд АН-ын жагсаалтад дээгүүр бичигдсэн билээ.

Тэгвэл энэ удаа УИХ-ын гишүүн А.Ганбаатарын  2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮409 сая
Гэр бүлийн орлого: ₮48 сая
Хөрөнгө борлуулсны орлого: ₮0 сая
Орон сууц барилга байгууламж: ₮3,1 тэрбум  /Орон сууц-2, Зуслангийн байшин-1/
Тээврийн хэрэгсэл: ₮325 сая  /Toyota, Land Cruiser 200, MG MOTORS, MG-RX8 LUX маркийн тээврийн хэрэгсэлтэй/
Мал аж ахуй: ₮21 сая /Үхэр-4, Адуу-5, Хонь-75/
Газар: ₮146 сая /Өмчлөх-07га-2, Өмчлөх-1га-2/
Үнэт эдлэл, урлаг, түүхийн үнэт зүйл: ₮194 сая
Хадгаламж: ₮98 сая 
Авлага: ₮0 сая 
Зээл:  ₮505 сая гэж мэдүүлжээ.

УИХ-ын гишүүн А.Ганбаатарын хувьд, тухайн үед удирдсан Хөлбөмбөгийн холбоогоо 5 тэрбумын өрөнд оруулсан гэх мэдээлэл цахимд цацагдаж байв. Дэлхийн болон Азийн хөл бөмбөгийн холбооноос олгосон асар их хэмжээний мөнгийг хэрхэн зарцуулсан талаарх тайлан, мэдээлэл байдаггүй гэж холбооныхон нь ярьдаг юм билээ. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
1
665073
1 эможи

Зочин
2025-08-28 16:42
санхүүгийн мэдээлэл тайлан байдаггүй монгол дахь хөлбөмбөгийн холбоо гэж юу байхав дэ? долоон буудалын Должин чувганц данх цай хоослож байгаа мэт тэр тэгсэн энэ ингэсэн байна гэхээ болиосой арслан мэдээний хаан минь….?
keyboard_arrow_up