Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байгаа билээ.

Тэгвэл энэ удаа УИХ-ын гишүүн Д.Үүрэнтуяагийн 2024 онд АТГ-т шинэчлэн мэдүүлсэн ХОМ-ийг хүргэж байна.

Тэрээр, 2023 онд буюу "Эрдэнэт үйлдвэр"-ийн орлогч дарга байхдаа жилийн 346 сая төгрөгийн орлоготой гэж байсан бол 2024 онд УИХ-ын гишүүн болсноор 1 тэрбум орлоготой гэж ийнхүү мэдүүлжээ.

Тэрбээр мэдүүлэгтээ:

Өөрийн орлого: ₮1 тэрбум
Гэр бүлийн орлого: ₮176 сая
Хөрөнгө борлуулсны орлого: ₮0 сая
Орон сууц барилга байгууламж: ₮1,4 тэрбум  /Орон сууц-3, Авто зогсоол-2/
Тээврийн хэрэгсэл: ₮97 сая  /Lexus, RX 400  маркийн нийт 2 тээврийн хэрэгсэлтэй/
Мал аж ахуй: ₮9,7 сая /Үхэр-4, Хурдан удмын адуу-1, Адуу-2/
Газар: ₮5 сая /Эзэмших-1500м2-3, Эзэмших-21м2-1, Өмчлөх-5000м2-2 нийт 6 газартай/
Үнэт эдлэл, урлаг, түүхийн үнэт зүйл: ₮13 сая
Хадгаламж: ₮33 сая    Бэлэн мөнгө: ₮440 сая
Авлага: ₮135 сая
Зээл:  ₮889 сая гэж мэдүүлжээ.

УИХ-ын гишүүн Д.Үүрийнтуяагийн  хувьд, Эрдэнэт үйлдвэрийн Санхүү, эдийн засаг хариуцсан орлогч захирал байхдаа төсвөөс 79 сая төгрөг гаргуулж, байрандаа засвар хийсэн хэмээн тухайн үедээ хэвлэлээр шүүмжлүүлсэн. Ингэхдээ  байранд засвар хийх төсвийг Д.Үүрийнтуяагийн нөхөр Д.Тамир гэх эрхэм баталсан гэх ч мэдээлэл гараад байсан. Д.Үүрийнтуяагийн нөхөр Д.Тамир нь 2019 оны дөрөвдүгээр сард Эрдэнэт үйлдвэрийн Инженерийн зураг төсвийн төвийн даргаар томилогдсон. Өөрөөр хэлбэл Д.Тамир төсөвт өртгийг гаргаад эхнэр Д.Үүрийнтуяа гэрээг нь зурдаг гэсэн үг.