Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байгаа билээ.

Тэгвэл энэ удаа УИХ-ын гишүүн Ц.Мөнхбатын 2024 онд АТГ-т шинэчлэн мэдүүлсэн ХОМ-ийг хүргэж байна.

Ц.Мөнхбатын хувьд орон нутагт очоод гишүүний бүрэн эрхээ урдаа барьж, бусдад томорсон бичлэг нь цахим орчинд олон нийтийн шүүмжлэлийг дагуулсан. Тодруулбал, УИХ-ын гишүүн Ц.Мөнхбат Дундговь аймгийн МАН-ын дарга С.Мөнхчулуун индэр дээр гарч ирж үг ярихад "Чи УИХ-ын гишүүдтэй мэтгэлцдэг субъект биш. УИХ-ын гишүүн болчхоод надтай ярь." хэмээн томорсон байдаг.

Тэрбээр мэдүүлэгтээ:

Өөрийн орлого: ₮105 сая
Гэр бүлийн орлого: ₮199 сая
Хөрөнгө борлуулсны орлого: ₮0 сая
Орон сууц барилга байгууламж: ₮450 сая  /Орон сууц-2/
Тээврийн хэрэгсэл: ₮300 сая  /,Toyota, Land Criuser 300, Geely, Tugella  маркийн нийт 2 тээврийн хэрэгсэлтэй/
Мал аж ахуй: ₮49 сая /Хурдан удмын адуу-1, Адуу-7, Хонь-100, Ямаа-125/
Газар: ₮0 тэрбум
Үнэт эдлэл, урлаг, түүхийн үнэт зүйл: ₮60 сая
Хадгаламж: ₮45 сая 
Авлага: ₮0 сая
Зээл:  ₮70 сая гэж мэдүүлжээ.

УИХ-ын гишүүн Ц.Мөнхбатын хувьд, Дундговь аймгийн Засаг даргаар ажиллаж байхдаа албан тушаалаа урвуулан ашиглаж, “Супрема бүтик лоджес” ХХК-д 2000 ам метр газар олгосон хэргээрээ АТГ-т шалгагдаж байх хугацаандаа УИХ-ын гишүүнээр сонгогдож, бүрэн эрхийн хамгаалалтад орсон гэх мэдээллийг өмнө хэвлэлийнхэн тавьж байсан удаатай.