Ардчилсан намын дарга Л.Гантөмөр “Би намын даргын ажлаа өгнө. Засаг байгуулаад, засаг нь уначихаар намын даргаар үлдэх сэтгэлзүй болоод сонирхол надад алга” гэж мэдэгдсэн. Түүний мэдэглийн дараа АН-ын дарга хэн болох вэ? гэдэг марафон эхэлсэн.

Тухайлбал, УИХ дахь АН-ын бүлгийн дарга О.Цогтгэрэл АН-ын даргын суудлын төлөө өрсөлдөхөө мэдэгдээд буй.

Тэгвэл АН-ын даргын сунгаанд өрсөлдөхөөр зэхэж буй О.Цогтгэрэлийн 2024 онд АТГ-т шинэчлэн мэдүүлсэн ХОМ-ийг хүргэж байна.

Түүний өөрийн жилийн орлого нь 937 саяас 87 сая төгрөг огцом буурч, харин  үл хөдлөх хөрөнгө нь сүүлийн нэг жилийн хугацаанд 2,3 тэрбум төгрөгөөс 3,7 тэрбум төгрөг болж ОГЦОМ нэмэгдэжээ.

Тэрбээр мэдүүлэгтээ:

Өөрийн орлого: ₮87 сая
Гэр бүлийн орлого: ₮87 сая
Хөрөнгө борлуулсны орлого: ₮275 сая
Орон сууц барилга байгууламж: ₮3,7 тэрбум /орон сууц-2, Үйлчилгээний зориулалттай барилга-1/
Тээврийн хэрэгсэл: ₮893 сая / Lexus, LX 600,  Mercedes Benz S400CDI, Toyota Crown нийт гурван машинтай/
Мал аж ахуй: ₮0 сая
Газар: ₮0 сая 
Үнэт эдлэл, урлаг, түүхийн үнэт зүйл: ₮1 тэрбум
Хадгаламж: ₮84 сая
Авлага:   ₮500 сая 
Зээл:  ₮1,2 тэрбум гэж мэдүүлжээ.