Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байгаа билээ.

Тэгвэл энэ удаа "Z үеийн" парламентад хамгийн залуу тодотголтой С.Цэнгүүн гишүүний ХОМ-ыг хүргэж байна.

Түүний хувьд анх эрчим хүчний реформтой холбогдуулан УИХ-д лобби бүлэг байгуулагдахад Шадар сайд Т.Доржхандын ахалсан, эрчим хүчний салбарыг шинэчлэх ажлын хэсэгт Эрчим хүчний реформд олон нийттэй харилцах ажлыг ахалж байв.

Өөрөөр хэлбэл олны анхааралд үргэлж байсаар ирсэн эрчим хүчний салбарын тухай болсон болоогүй зүйл ихээр ярьж, олны танил болсон гэхэд хилсдэхгүй. Энэ арга барил нь таалагдсан бололтой ихэнх ажлын хэсэгт багтаж, ярих "моод"-оо үргэлжлүүлсэн. 

Гэтэл удалгүй Эрчим хүчний реформын үндэсний хорооноос гарахаа мэдэгдсэн. Шалтгаан нь, хэвлэл мэдээллийн хэрэгсэлд 8 тэрбум төгрөг төсөвлөснийг гэнэтхэн мэдсэн, мэдээд цочирдон хүлээж авч, ажлын хэсгээс гарлаа гэх тайлбар ч хийж байв. 

Түүний аав С.Саруулсайхан нь цахилгаан халаалтын "Атмор" гэж компанитай. Товчхондоо УИХ-ын гишүүн С.Цэнгүүний хамаарал бүхий хүний компани нь барилга, цахилгаан халааалтын системийн салбарт ажилдаг аж. Үүнээс харахад С.Цэнгүүн гишүүн яагаад Эрчим хүчний реформын үндэсний хорооноос гарсан нь тодорхой болох биз. 

Тэгвэл УИХ-ын гишүүн С.Цэнгүүний 2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮35 сая
Гэр бүлийн орлого: ₮570 сая
Хөрөнгө борлуулсны орлого: ₮0 сая
Орон сууц барилга байгууламж: ₮440 сая  /Орон сууц-2, хашаа байшин-1/
Тээврийн хэрэгсэл: ₮30 сая  /Toyota, Prius маркийн тээврийн хэрэгсэлтэй/
Мал аж ахуй: ₮0 сая
Газар: ₮0 сая
Үнэт эдлэл, урлаг, түүхийн үнэт зүйл: ₮29 сая
Хадгаламж: ₮31 сая     
Авлага: ₮0 сая
Зээл:  ₮0 сая сая гэж мэдүүлжээ.