Цалингаа нэмүүлэхийг шаардсан багш нартай өнөөдөр Боловсролын сайд П.Наранбаяр уулзаж мэдээлэл өгсөн. Тус уулзалтанд Боловсролын сайд П.Наранбаяр болон УИХ-ын гишүүн Ц.Мөнхтуяа, түүний зөвлөх Д.Мөнхбаатар мөн багш нарын төлөөллүүд оролцсон юм.

Уулзалтын үеэр сэтгүүлч "УИХ-ын гишүүн Ц.Мөнхтуяа болон Монголын багш нарын үйлдвэрчний эвлэлийнхэн 2020 онд багш нарыг байранд оруулна гэж урьдчилгаа авсан. Тэр асуудал юу болсон бэ?" хэмээн асуусан. 

Гэвч эрхэм гишүүн Ц.Мөнхтуяа нь сэтгүүлчийн тавьсан асуулт таалагдаагүйн улмаас туслахаараа хүч хэрэглүүлсэн тухай бичлэг олон нийтэд цацагдсан.

Энэ асуудлаар УИХ-ын гишүүн Ц.Мөнхтуяа хэвлэлээр тайлбар өгөхдөө "2022 онд багш нараас орон сууцжуулна гээд 10 сая төгрөг авсан нь үнэн. Гэхдээ би мөнгийг нь буцаагаад өгсөн. Өнөөдрийн уулзалт ямар ч үр дүнгүй боллоо. Одоо багш нар нэгдэж 8 сарын 25-нд суулт зарлана" гэв.

Тэгвэл багш нараа ОРОН СУУЦЖУУЛНА гээд мөнгө авсан гэх УИХ-ын гишүүн Ц.Мөнхтуяагийн  2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮55 сая
Гэр бүлийн орлого: ₮25 сая
Хөрөнгө борлуулсны орлого: ₮0 сая
Орон сууц барилга байгууламж: ₮0 сая
Тээврийн хэрэгсэл: ₮25 сая  /Toyota, Prius маркийн тээврийн хэрэгсэлтэй/
Мал аж ахуй: ₮38 сая /Үхэр-4, Хонь-250, Ямаа-70/
Газар: ₮0 сая 
Үнэт эдлэл, урлаг, түүхийн үнэт зүйл: ₮30 сая 
Хадгаламж: ₮5,5 сая    
Авлага:  ₮0 сая
Зээл:  ₮0 сая гэж мэдүүлжээ.