УИХ-ын Баасан гаригийн ээлжит чуулганаар “Эрчим хүч-3 төсөл”-ийг хэрэгжүүлэх Монгол Улс, Олон улсын сэргээн босголт, хөгжлийн банк хоорондын Зээлийн хэлэлцээрийг соёрхон батлах тухай хуулийн төслийг үргэлжлүүлэн хэлэлцэж, урьдчилсан ирүүлсэн нэрсийн дарааллын дагуу УИХ-ын гишүүд асуулт асууж, хариулт авлаа. 

Энэ үеэр  Эрчим хүчний сайд Б.Чойжилсүрэн "2024 оны 11-р сард цахилгаан эрчим хүчний тарифыг өртөгт нь ойртуулах шийдвэр гарсан. Ингэснээр 2025 онд 546 орчим тэрбум төгрөгийн нэмэлт эх үүсвэр гарах тооцоолол бий.

Үүнийг яаж зарцуулсан талаар бэ гэвэл, 220 тэрбумыг 2023, 2024, 2025 онд эрчим хүчний салбарын ажилтнуудын цалингийн нэмэгдэлд, 110 тэрбумыг нүүрсний уурхайнуудаас авч буй эрчм хүчний нүүрсний борлуулалтын үнийг алдагдлыг нөхөхөд 77 тэрбумыг 2023-2024 онд Сонгинохайрхан дүүргийн найман хороонд гэр хорооллын шугам сүлжээний өргөтгөл, шинэчлэл хийхэд зарцуулсан.

Эрчим хүчний салбарт хийх ажлууд их байгаа ч санхүүгийн эх үүсвэртээ баригдаж ажил  удаашралтай байна" гэв.