УИХ-ын гишүүн, МАН-ын бүлгийн дарга Л.Мөнхбаатар "Үндэслэлгүй баяжсан бол хураах нь зөв. Гэхдээ "хөрөнгийг нь хураах компанчилсан" ажил хийж, хүний хувийн өмчтэй байх Үндсэн хуульд заасан үндсэн эрхэд халдаж болохгүй.

Хорих ял нь 5-12 жилийн хугацаатай. Түүнээс гадна улс төрийн нөлөө бүхий этгээдүүд буюу өндөр албан тушаалтнуудад 12-20 жилийн ял буюу хүний амь насыг хөнөөсөнтэй дүйцэхүйц хэмжээний өндөр ял оногдуулах ийм өөрчлөлтүүдийг хийсэн нь хэрэгжээд явж байна. Мөн ял наймаалцах асуудлуудыг байхгүй болгосон. Үүнтэй холбоотой олон өөрчлөлтүүдийг хийгээд явж байгаа.

Сүүлийн үед хөрөнгийг компаничилж хураах тухай хуулийн төслийг ярьдаг, бүүр оруулж ирсэн. Ингэж болохгүй ээ. Хүний үндсэн эрх бол хувийн өмчтэй байх эрх юм. Үндсэн хуулиар олгогдсон эрх, хувийн өмчтэй байх үндсэн хүний эрхэд огт халдаж болохгүй. Энэ бол өнгөрсөн хугацаанд хийсэн ажлаас ухарсан, хүний эрхэд халдаж байгаа ноцтой зүйл болно. Компаничилж , хүний нэр зааж, албан тушаал, он зааж одоо болохгүй. Тийм учраас энэ асуудлууд шүүхийн холбогдох ба хуулийн байгууллагаараа тогтоогдож шүүхээр гэм буруу нь тогтоогдож байж энэ түүнийг дагалдаж энэ хөрөнгө хураах асуудал яригддаг зүйл" гэв.