Шинээр боловсруулж буй Эмч, эмнэлгийн мэргэжилтний эрх зүйн байдлын тухай хууль талаар УИХ-ын гишүүн Д.Ганмаа өөрийн байр сууриа илэрхийллээ.

Тэрбээр, " Эмч, эмнэлгийн ажилтан хийнэ гэдэг чинь амаргүй ажил шүү дээ. Тэр тусмаа мэс заслын эмч нар. Маш олон жил сурдаг, олон жил мэргэжил дээшлүүлдэг. Тэгсэн хэр нь хууль, эрх зүйн нөхцөл байдал нь хүнд, дарамт шахалт, ажлын ачлал гээд яривал их олон асуудал бий. Тиймээс өмнө хууль дээр ямар асуудал гарч байгааг маш сайн дүгнэж, маш нарийн зохицуулалтыг оруулж ирэхгүй бол эмч нар өөрсдөө ч, үйлчлүүлж буй иргэдэд ч, салбар хариуцсан удирдлагуудад ч  амархан  хэцүү байдалд орох асуудал гарч байна. Тиймээс нэгдүгээрт, шинэ хуулинд эмч, эмнэлгийн ажилтнуудын эрхийг хамгаалах тухайд ЭРҮҮГИЙН ЗААЛТ байх ЁСГҮЙ. Хоёрдугаарт, таниулсан зөвшөөрлийн асуудлыг ярих ёстой. Гуравдугаарт, хуулиас гадна салбарын журмаасаа болж том асуудалд ордог. Тиймээс журмыг мөн нарийвчлан шинэчлэх шаардлагатай байна" гэв.