УИХ-ын гишүүн Э.Батшугарын өргөн барьсан Зээлийн мэдээллийн тухай хуульд нэмэлт, өөрчлөлт оруулах тухай хуулийн төслийг УИХ-аар хэлэлцэхийг дэмжлээ. 

Энэ талаар Э.Батшугар "Зээлийн мэдээллийн сангийн бүртгэлд 1.6 сая иргэний мэдээлэл байдгаас 200 мянга нь хар жагсаалтад орчихсон байна. Иймд Зээлийн мэдээллийн сангийн хуулийн нэмэлт өөрчлөлт оруулна. Тус хуулийг өөрчилснөөр хар жагсаалт гэдэг зүйл үгүй болно. Уян хатан, онооны систем рүү шилжинэ.

Хуулийн төсөл батлагдсанаар дараах санхүү, эдийн засгийн таатай боломжийг бий болно.

• Зээлийн хүү бууруулна
• Зээлдэгчийн “хар жагсаалт” гэх санхүүгийн ялыг арилгана
• Банк, санхүүгийн салбарын үйлчилгээний хүртэмж, салбарын өрсөлдөөнийг нэмэгдүүлнэ
• Зээлийн үүргийн гүйцэтгэлийг барьцаа хөрөнгөөр баталгаажуулахаас гадна оноонд суурилсан, уяан хатан нөхцөлтэй санхүүгийн үйлчилгээг нэвтрүүлнэ
• Банк, санхүүгийн салбарын эрсдэл даах чадварыг нэмэгдүүлж эдийн засаг, санхүүгийн тогтвортой байдалд эерэг нөлөөлөл авчирна." гэв.