Иргэдийн хүсэлтийн дагуу нийслэлийн агаарын бохирдлын асуудлыг  УИХ-аар хэлэлцэхээр болж, сонсгол зохион байгуулах ажлын хэсэг байгуулсан. Дээрх ажлын хэсэг дэд хэлэлцүүлгүүдийг зохион байгуулж, сонсголыг хоёрдугаар сарын 3, 4-ний өдөр зохион байгуулахаар товлосон юм.

Тэгвэл товлосон хуваарийн дагуу өнөөдөр /2025.02.03/ Утааны сонсгол "Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл" сэдвээр үргэлжилж байна.

Энэ үеэр Доктор Б.Одхүү "Улаанбаатар хотоо бид "Алтан тэвшийн хөндий" гээд нэрлэдэг боловч одоо "ҮХЛИЙН ХӨНДИЙ" болчихоод байна. Утааг 2030 он гэхэд 50 хувь бууруулна. Арай урт хугацаа байна.

Салхи гарахаар л Улаанбаатарчууд баярлаж байна. Гэтэл Улаанчулуутын хогийн цэг, оршуулгын газар нь салхины аман дээр байна. " гэв.