УИХ-ын гишүүн Ө.Шижир цаг үеийн асуудлаар байр сууриа илэрхийлжээ.

Тэрбээр, "Ганц компани Монголын ард түмний баялаг болох Эрдэнэс тавантолгойг, экспортын төмөр замыг хуу хамах төлөвлөгөө нь бүтэлгүйтчихээр төлөөний хүмүүс нь бухимдаад хэцүү байх шиг байна. Нэг компани улсын өнгөтэй өөдтэй тендер бүрийг хамаж, баялаг бүрийг эзэмшинэ гэдэг шудрага ёс уу? "Эрдэнэс тавантолгой" нь улсад үлдээд, экспортын төмөр замуудаа төр нь өөрөө хийх болсон нь таалагдахгүй байгаа юм уу?

"Централ товер", "Шангри-Ла"-аас улс орны бүх асуудлыг шийдэж, Ерөнхий сайдаас авхуулаад бүх томилгоо тэндээс хийгдэж, хэн хэн аль аль намаас нэр дэвших асуудлыг шийдэж, улс төрчдийг сонгуулийн хандив, дэмжлэг нэрээр нөлөөлдөг байсан нь нууц биш шүү дээ.

Д.Энхтүвшин гишүүний шийдвэр гаргалцдаг байшинд хүссэн шийдвэр нь гарахгүй байгаа юм уу даа. Тэгээд л бачуураад байгаа байх….

Та нар санаж байгаа бол сонгуулиар хамгийн олон улс төрчидөд хандив өгсөн компани юу билээ? Ил нь тэр болохоос далд нь юу ч байгаа юм билээ" хэмээжээ.