2024 оны арванхоёрдугаар сарын УИХ-ын чуулганы ирцийн мэдээллийг хүргэж байна. Өнгөрсөн оны арванхоёрдугаар сард УИХ-ын чуулган нийт 11 удаа хуралджээ. Чуулганы ирцийн тухайд гишүүд 93 удаа гадаад томилолттой, 10 удаа дотоод томилолттой, 42 удаа чөлөөтэй, 73 удаа эмнэлгийн чөлөөтэй, 46 удаа тасалсан, 157 удаа хоцорсон байдалтай байна. 

Тухайлбал, УИХ-ын гишүүн С.Лүндэг чуулганы хуралдаанд нэг ч оролцоогүй байна.

Энэ талаар өнөөдөр Ёс зүй, дэгийн байнгын хороо хуралдааны үеэр УИХ-ын гишүүн, байнгы хорооны дарга Б.Баярбаатар " Хуралдаа суудаггүй Х.Баттулга, С.Лүндэг нарын гишүүдэд ХАРИУЦЛАГА ТООЦОХ саналыг оруулж ир" гэж хатуухан сануулав.

Тэгвэл иргэдийн төлөөлөл болж сонгогдсон мөртлөө үндсэн ажлаа хийхгүй, хуралдаа суудаггүй  С.Лүндэг   2023 онд АТГ-т мэдүүлсэн Хөрөнгө орлогын мэдүүлгийг танилцуулъя.

Тэрбээр  мэдүүлэгтээ:

Өөрийн орлого: ₮47 сая
Гэр бүлийн орлого: ₮114 сая
Орон сууц барилга байгууламж: ₮871 сая / нэг орон сууц, үйлчилгээний зориулалттай хоёр талбайтай /
Тээврийн хэрэгсэл: ₮45 сая  / Суудлын жижиг машин,Landrover, LR3/
Мал аж ахуй:₮6 сая / Хурдан удмын адуу-3 /
Газар: ₮20 сая  / Эзэмших-700м2-ийн  нийт хоёр газартай /
Үнэт эдлэл, урлаг, түүхийн үнэт зүйл: ₮41 сая
Хадгаламж: ₮12 сая
Зээл: ₮183сая гэж мэдүүлжээ.