Өнөөдөр УИХ-ын гурван Байнгын хороо хуралдана. Тухайлбал, Боловсрол, соёл, шинжлэх ухааны байнгын хороо, Төсвийн байнгын хорооны хуралдаанаар 2025 оны төсвийн төслүүдийг хэлэлцэнэ. 

Мөн Байгаль орчин, хүнс, хөдөө аж ахуйн байнгын хороо хуралдаж, төсвийн төслүүдээс гадна Мал, махны бэлтгэн нийлүүлэлт, нөөц, экспортын талаарх Хүнс, хөдөө аж ахуй, хөнгөн үйлдвэрийн сайдын мэдээллийг сонсохоор болжээ. Үүнээс гадна Жижиг, дунд үйлдвэрийн сангаас олгосон зээл, зээлийн эргэн төлөлт, хэрэгжилт, үр дүнгийн талаарх Хүнс, хөдөө аж ахуй, хөнгөн үйлдвэрийн сайдын мэдээлэл, “Тавантолгой түлш” ХХК-ийн үйлдвэрлэл, технологийн үйл ажиллагаа, сайжруулсан түлшний нөөц, чанарын талаар Нийслэлийн Засаг дарга бөгөөд Улаанбаатар хотын захирагчийн мэдээллийг сонсохоор төлөвлөсөн байна.